افغانستان میں  ننگرہار کی مسجد میں دھماکہ ، 15 افراد زخمی

کابل(شِنہوا)افغانستان کے مشرقی صوبے ننگرہار کے ضلع آچین کی ایک مسجد میں دھماکے سے کم از کم 15 نمازی زخمی ہو گئے ہیں۔نام ظاہر نہ کرنیوالے ایک عینی شاہد نے بتایا کہ دھماکہ جمعہ کے روز مقامی وقت کے مطابق دوپہر 1 بجکر 30 منٹ پر ہوا جب مسجد نمازیوں سے بھری ہوئی تھی۔تاہم مقامی لوگوں کا خیال ہے کہ اموات کی تعداد زیادہ ہو سکتی ہے۔مشرقی صوبہ ننگرہار میں گزشتہ ایک ماہ کے دوران مسجد کے اندر ہونیوالا یہ دوسرا دھماکہ ہے۔ شدت پسند تنظیم داعش نے گزشتہ دھماکے کی ذمہ داری قبول کی تھی۔