مرحوم اداکار کی نماز جنازہ (کل) اتوار کو بعد نماز عصر ادا کی جائے گی
سینئر اداکار سہیل اصغر انتقال کر گئے،سینئر ادا کار سہیل اصغر کچھ عرصہ سے علیل تھے ۔ پاکستان شوبز انڈسٹری کے معروف اداکار سہیل اصغر طویل علالت کے بعد خالقِ حقیقی سے جامِلے۔ اہل خانہ کے مطابق اداکار سہیل اصغر ڈیڑھ سال سے بیمار تھے اور گزشتہ ایک ہفتے سے اسپتال میں زیرِ علاج تھے۔ مرحوم اداکار کی نماز جنازہ (کل) اتوار کو بعد نماز عصر ادا کی جائے گی۔ سینئر اداکار سہیل اصغر پاکستانی اسٹیج اور ٹی وی اداکار ہیں جنہوں نے لاہور سے کریئر کا آغاز کیا۔ ان کے مشہور ٹی وی ڈراموں میں چاند گرہن، خدا کی بستی، دکھ سکھ ، حویلی، کاجل گھر، ریزہ ریزہ، پیاس اور دیگر ڈرامے شامل ہیں۔
