دفتری سٹاف محنت، ایمانداری سے فرائض انجام دے:ایس ایس پی آپریشنز

 ملتان  ( نمائندہ خصوصی) ایس ایس پی آپریشنز ملتان حسام بن اقبال نے برانچز ہیڈز سے میٹنگ کی۔ ڈی ایس پی ہیڈ کوارٹرز نمرین منیر، ڈی ایس پی لیگل شاہد چوہدری اور تمام برانچ انچارجز شریک ہوئے میٹنگ میں برانچز ہیڈز کی کا کردگی کا تفصیلی جائزہ لیا گیا کہ کس طرح منسٹیریل سٹاف اور ایگزیکٹیو سٹاف کی کاکردگی کو بہتر بنایا جا سکتا ہے یس ایس پی آپریشنز ملتان نے پولیس افسران کی کاکردگی کو بہتر بنانے کے لیے ضروری ہدایات دیںاور کہا کہ تمام دفتری سٹاف محنت، ایمانداری اور ایس او پی کے مطابق فرائض انجام دے۔ جدید دور کا تقاضا ہے کہ ہمیں اپنے آپ کو انہی تقاضوں میں ڈھالنا ہے تاکہ ہم نئے چیلنجز سے نمٹ سکیں۔ انہوں نے کہا کہ کوئی بھی غفلت یا بددیانتی ہرگز برداشت نہیں کی جائے گی ،ایس ایس پی آپریشنز ملتان حسام بن اقبال کا کہنا تھا پروفشلزم میں بہتری کے لیے تمام وسائل بروئے کار لائے جا رہے ہیں۔