45 کروڑ سے پنجاب پولیس کیلئے شیلنگ گنز‘ حفاظتی سامان کی  خریداری شروع

لاہور (نامہ نگار) پنجاب پولیس کی جانب سے 45 کروڑ روپے سے زائد فنڈز سے خریداری کے لئے اقدامات شروع کر دئیے گئے ہیں۔ پولیس حکام کے مطابق فنڈز سے مائن ڈی ٹیکٹر، بلٹ پروف روسٹرم، آنسو گیس بندوقیں، ماسک، اینٹی رائٹ فورس کیلئے پینٹ بالز اور حفاظتی شیلڈز‘ ڈولفن فورس اور سی ٹی ڈی کے لئے وردی‘ متعلقہ آرٹیکلز‘ دفاتر کیلئے اے سی، کمپیوٹر ، فرنیچر سمیت دیگر اشیاء بھی خریدی جائیں گی۔ پولیس حکام کے مطابق اس ضمن میں گزشتہ ماہ کے اختتام پر 40 سے زائد فرموں نے ٹینڈر میں کوالیفائی کر لیا ہے۔ کوالیفائی کرنے والی فرموں کے کوائف ٹیکنیکل کمیٹی کو بھجوا دئیے گئے ہیں۔ ٹیکنیکل کمیٹی کی منظوری کے بعد فنانشل بڈ کھولی جائے گی۔کم ریٹس دینے والی فرموں کو اشیاء کی خریداری کے لئے کنٹریکٹ جاری کیا جائے گا۔
پنجاب پولیس