غیر قانونی باشندوں کی ڈیڈ لائن ختم ہونے کے بعدبھی واپسی جاری 

 اسلام آ باد (نمائندہ نوائے وقت ) غیر قانونی افغان باشندوں کی31 اکتوبرڈیڈ لائن ختم ہونے کے بعد غیر قانونی افغان باشندوں کا اپنے وطن واپسی کا سلسلہ جاری ،ذرائع کے مطابق اب تک کل 217,355 غیر قانونی طور پر رہنے والے افغان باشندوں کی اپنے وطن واپسی ہوچکی ہے، حکومت پاکستان نے غیر قانونی غیر ملکی افراد کے محفوظ انخلا کو یقینی بنانے کے لئے عملی اقدامات کئے ہیں،افغان باشندوں کی باعزت طریقے سے افغانستان واپسی کے لئے دیگر اقدامات کے علاہ ان کی عارضی رہائش کے لئے مختلف اضلاع میں تمام سہولیات سے آراستہ ٹرانزٹ کیمپس قائم کئے گئے ہیں۔ بذریعہ طورخم اور چمن بارڈر روزانہ کی بنیاد پر ہزاروں افغان شہری اپنے وطن واپس جا رہے ہیں،رضاکارانہ طور پر افغانستان واپسی کے لئے افغان باشندوں کی بڑی تعداد چمن اور طورخم بارڈر پر موجود ہے۔ 11 نومبر کو 2957 غیر قانونی افغان باشندے اپنے ملک چلے گئے2957 افغان شہریوں میں 716 مرد، 691 خواتین اور 1550 بچے اپنے ملک چلے گئے،افغانستان روانگی کے لیے 278 گاڑیوں میں 678 خاندانوں کی اپنے وطن واپسی عمل میں لائی گئی۔