لاہور(نامہ نگار)چوکی سگیاں شاہدرہ پولیس نے رات کے تاریکی میں بند گھروں اور فیکٹریوں میں وارداتیں کرنے والا خواتین پر مشتمل گروہ گرفتارکر لیا ہے۔چوکی سگیاں پولیس نے چوری کی وارداتوں میں ملوث 6 رکنی خواتین چور گینگ کی ارکان شمیم بی بی‘ سکینہ‘پٹھانی‘ ثریا‘ نیامت بی بی‘ آمینہ کو گرفتارکر کے ڈیڑھ لاکھ نقد رقم سمیت دیگر سامان برآمدکر لیا ہے۔پولیس کا کہنا ہے کہ ملزم خواتین مل کر واردات کرتیں۔4 روز قبل بھی انہوں نے ایک فیکٹری سے 8 لاکھ مالیت کا سامان چوری کیا تھا۔