اسلام آباد(خبرنگار)ارتضی حسین نے 16ویں چیف آف دی نیول سٹاف امیچور گالف کپ 2023 کا ٹائٹل جیت لیا۔ اختتامی تقریب کا انعقادمارگلہ گرین گالف کلب اسلام آباد میں ہوا۔چیف آف دی نیول سٹاف ایڈمرل نوید اشرف مہمان خصوصی تھے‘ جنہوں نے کھلاڑیوں میں انعامات تقسیم کئے ۔پاک بحریہ کے سربراہ ایڈمرل نوید اشرف نے جیتنے والوں کو شاندار کامیابی پر مبارکباد دی اور ان کی صلاحیتوں کو سراہا۔انہوںنے کھیل کے اعلی معیار کی تعریف کی جس نے شرکا کو دلچسپ اور معیاری تفریح فراہم کی۔ گالف کپ کے کامیاب انعقاد کےلئے مارگلہ گالف کلب کے سٹاف اور منتظمین کی انتھک کوششوں کو سراہا۔انہوں نے سپانسرز، اور میڈیا برادری کے مسلسل اور فراخدلانہ تعاون کو بھی سراہا جس کے بغیرگالف کپ کا کامیاب انعقاد ناممکن ہوتا۔ پاکستان بھرسے تقریبا 300 گالفرز نے مختلف کیٹیگریز میں حصہ لیا جن میں مین امیچرز، لیڈی امیچرز، سینئرز اور جونیئرز شامل تھے تقسیم انعامات کی تقریب میں سو ل وعسکری حکام ، منتظمین، اسپانسرز، گالفرز اور میڈیا کے نما ئندوں نے شرکت کی۔