راولپنڈی (اپنے سٹاف رپورٹرسے)کلر سیداں پولیس کی اہم کاروائی،سرکاری ہسپتال میں فائرنگ اورتوڑ پھوڑ کرنےوالے 2اشتہاری مجرمان گرفتارکرلئے گئے تفصیلات کے مطابق کلر سیداں پولیس نے کاروائی کرتے ہوئے سرکاری ہسپتال میں فائرنگ اور توڑ پھوڑ کرنےوالے 02اشتہاری مجرمان کوگرفتارکر لیا،اشتہاری مجرمان ثاقب اور بلال نے فائرنگ سے نعمان کو زخمی اور ڈنڈوں کے وار سے متعدد افراد کو شدید زخمی کر دیا تھا،اشتہاری مجرمان کے خلاف دہشتگردی،اقدام قتل،کارسرکار میں مزاحمت سمیت دیگر دفعات کے تحت مقدمہ درج کیا گیا تھا،سنگین دفعات کے تحت مقدمہ درج ہونے کے بعد ملزمان رو پوش ہو گئے تھے،واقعہ میں ملوث26ملزمان قبل ازیں گرفتارکر کے چا لان کیے جا چکے ہیں،اشتہاری مجرمان کے دیگر ساتھیوں کو بھی گرفتار کیا جائے گا،ایس پی صدر محمد نبیل کھوکھر کا کہنا تھا کہ گرفتار اشتہاری مجرمان کو ٹھوس شواہد کے ساتھ چالان کر کے قرار واقعی سزا دلوائی جائے گی۔