لاہور(نامہ نگار) انویسٹی گیشن یونٹ نارتھ سٹی کوتوالی نے منشیات کی سپلائی کیلئے آنیوالے ملزمان خالد شہزاد، نوید احمد، سید اسماعیل اور عدیل کو گرفتار کر کے کروڑوں روپے مالیت کی11کلو چرس، 6کلو آئس برآمد کرکے مقدمات درج کر لئے ہیں ۔ پولیس نے باغبانپورہ، مانگا منڈی، مصطفیٰ ٹاؤن اور ہلوکی سے خاتون سمیت 6 منشیات فروش گرفتار کرکے 5کلو سے زائد چرس اور 150شیشہ فلیور برآمد کیے گئے۔گرفتار ملزمان میں ذیشان، حسن،ذوالفقار مسیح،فاخرہ بی بی اور محمد اشرف اور دانش شامل تھے۔ مغلپورہ پولیس نے آن لائن جوا کروانے والے ارسلان جاوید اور بھائی دانیال جاوید کو گرفتار کرکے 32 کمپیوٹرز،2 لیپ ٹاپ، 2 موبائل فون اور رقم ٹکڑی برآمدکرلی۔شاد باغ سے غیر قانونی اسلحہ رکھنے پر ملزم علی رضا کو گرفتارکر کے رائفل اور کارتوس برآمدکیے گئے۔ ڈولفن سکواڈ نے شادمان اور گجرپورہ کے علاقے سے 2 مشکوک عامر اور ارسلان کو گرفتارکرکے 4 موبائل،ایک پستول، گولیاں و میگزینز برآمد کر لیں۔