شیخوپورہ (سلطان حمید راہی ،ڈاکٹر شیخ جمیل اختر ،سیف الرحمن سیفی) شیخوپورہ اور گردونواح میں پتنگ بازی کا سلسلہ شروع ہو چکا ہے اور یہ خونی کھیل شہر کے مختلف علاقوں طارق، خالد روڈ ،گھنگ روڈ ، پرانا شہر ، فیصل آباد روڈ وغیرہ کی آبادیوں میں شروع ہے جن کو روکنے کیلئے پولیس اور دیگر قانون نافذ کرنیوالے اداروں نے ابھی تک کوئی کارروائی نہیں کی بتایا جاتا ہے کہ اکثر پتنگ باز دھاتی ڈور کا استعمال بھی کر رہے ہیں شہر کے اکثر بازاروں میں ڈور اور پتنگوں کی فروخت کا سلسلہ بھی جاری ہے انجمن شہریاں کے صدر چوہدری طاہر منہاس نے بتایا کہ حکومت ا س خونی کھیل کو روکنے کیلئے سخت ترین اقدامات کرنے کے ساتھ ساتھ فضائی مانیٹرنگ بھی کرے اور اس کھیل میں ملو ث افراد کو قرار واقعی سزا دی جائے۔خونی کھیل سے گزشتہ 2,3سالوں میں کئی افراد جان کی بازی بھی ہار چکے ہیں۔