گو جرانوالہ(نمائندہ خصوصی)گیپکو چیف محمد ایوب نے گوجرانوالہ چیمبر کے اراکین سے خطاب کرتے ہوئے کہا کہ تمام تعریفیں، حمد وثنا اللہ اور اس کے محبوب رسولؓ کیلئے جو پوری کائنات کے نظام کو اپنی مرضی کے مطابق چلا رہے ہیں اور انہی کی بے انتہا نعمتیں مخلوق خدا پر نچھاورہو رہی ہیں۔کوئی شک نہیں ازل سے ابدتک جاری و ساری رہیں گی۔ گوجرانوالہ محنتی صنعتکاروں کا شہر ہے وہ لوگ اللہ کے بہت قریب ہوتے ہیں جو دوسروں کو روزگار فراہم کرنے کا سبب بنتے ہیںاس کے ساتھ گوجرانوالہ پاکستان کا اہم صنعتی شہر ہونے کے ساتھ ساتھ گیپکو کی ادائیگی کے حوالے سے بھی بہترین صارف ہے ا س لئے ہماری بھی اولین ذمہ داری ہے کہ بہترین صارف کو بہترین سہولتیں دی جائیں، نیز انڈسٹری کو بلا تعطل بجلی کی فراہمی کو یقینی بنانے کیلئے میں خود انڈسٹریل فیڈروں کی نگرانی کر رہا ہوں انڈسٹری فیڈر میں جہاں کوئی مسئلہ پیش آتا ہے اسے فوری حل کر کے انڈسٹری کی بجلی بحال کر دی جاتی ہے۔