انڈر 19 ویمنز سکلز کیمپ کاکراچی میں آغاز

لاہور(سپورٹس رپورٹر) انڈر 19 ویمنز سکلز کیمپ کامنگل سے کراچی میں آغازہوگیا ہے۔انڈر 19 سکلز کیمپ میں 32 کھلاڑی حصہ لے رہی ہیں، ان کھلاڑیوں کا انتخاب حالیہ قومی انڈر19 ویمنز ٹی ٹونٹی کرکٹ ٹورنامنٹ کی پرفارمنس کی بنیاد پر کیا گیا ہے۔کیمپ مستقبل قریب کے دو ہائی پروفائل کرکٹ ٹورنامنٹس کیلئے مدد گار ثابت ہوگا، پاکستان ویمنز انڈر 19 ٹیم، انڈر 19 ویمنز ایشیا کپ اور آئی سی سی ویمنز انڈر 19 کرکٹ ورلڈ کپ میں حصہ لے گی جو بالترتیب دسمبر 2024ء اور جنوری 2025ء میں ملائیشیا میں ہوں گے۔