نارنگ منڈی + شیخوپورہ + فیروزوالہ (نمائندگان)  مخالفین نے گھر میں گھس کر ماں اور بیٹا قتل کر دئیے جبکہ والد اور بھائی سمیت 3 افراد شدید زخمی ہو گئے۔ تفصیلات کے مطابق منج گگڑ کے رہائشی نذیر کی اظہر عباس وغیرہ سے دشمنی تھی، گزشتہ رات نذیر کے گھر گھس کر مخالفین اظہر وسیم عباس ذیشان وغیرہ نے فائرنگ کر دی جس سے 60 سالہ خالدہ پروین 35 سالہ بیٹا غلام دستگیر موقع پر دم توڑ گئے جبکہ والد 70 سالہ نذیر اس کا بیٹا قدیر اور رشتہ دار محسن شدید زخمی ہو گئے۔ زخمی افراد کو ہسپتال منتقل کر دیا گیا۔ نارنگ پولیس نے 9 افراد اظہر وسیم ذیشان عندلیب اور5 نامعلوم ملزموں کے خلاف مقدمہ درج کر کے پوسٹمارٹم کے بعد نعشیں ورثاء کے حوالے کر دیں ہیں۔