کوئٹہ: کوچ الٹ جانے سے   3 افراد جاں بحق، خواتین، بچوں سمیت 30 زخمی

کوئٹہ( این این آئی) کوئٹہ کے نو احی علا قے لکپاس پر تیز رفتار مسافر کوچ الٹ جا نے سے 3افرادجاں بحق جبکہ خواتین اور بچوںسمیت30 سے زائد افراد زخمی ہو گئے ۔ پو لیس کے مطابق منگل کو کوئٹہ کے نو احی علا قے لکپاس پر مسافر کوچ الٹ گئی جس کے نتیجے میں دانیال علی سمیت 3 افراد جاں بحق جبکہ سہیل احمد ،توقیر احمد ،سیدہ بی بی ،حسنہ ،فیض خان ،بسمہ اللہ ،آمنہ ،نذیر ،نوید ،عبداللہ ، محمد حنیف ،شہسوار ،زہرہ بی بی ، محمد حسین ،محمد ایوب ،سلام ،رحمن اقبال ،سلطان ،زاہد عباس ،اصغر علی سمیت 30سے زائد افرادزخمی ہو گئے ، واقعے کی اطلاع ملتے ہی پو لیس اور ریسکیو حکام نے لاشوں اور زخمیوں کو فوری طورپر ہسپتال منتقل کر دیا ، پو لیس کے مطابق ٹریفک حادثہ مسافر کوچ اور موٹر سائیکل کے درمیان تصادم کے نتیجے میں پیش آیا، واضح رہے کہ مسافر کوچ کوئٹہ سے کراچی جا رہی تھی۔