اسلام آباد(نمائندہ خصوصی ) میاں مقبول، چیئرمین طاہر عباسی اور میاں یٰسین نے کہا ہے کہ ایف ٹین مرکز کے تاجروں کے مفادات کا تحفظ اولین ترجیح ہے،ماضی کی شاندار کارکردگی  ہمارے مستقبل کی جیت کی ضامن ہے۔تاجر انصاف گروپ پر ایف ٹین مرکز کے تاجروں کا اعتماد ہے،کامیاب ہونے کے بعد ہم نے ایف ٹین کو بہترین تجارتی مرکز بنانے سمیت سیکورٹی کیمروں سے محفوظ بنایا۔سیکورٹی گارڈ پٹرولنگ،روڈ کارپٹنگ سمیت دوکانداروں کی سہولت کیلئے ٹیکس ریٹرن ورکشاپس منعقد کروائیں۔ہم نے مراکز میں کھلی کچہریوں کا انعقاد کروایا،کرائے دار کو تحفظ دیااور دوکاندار کے تھانے کچہری کے مسائل حل کروائے۔پڑھا لکھا اور باشعور تاجر ہماری کارکردگی کو جانتا ہے ۔