راولپنڈی(جنرل رپورٹر)پاکستان پیپلز پارٹی کے مرکزی رہنماقمر زمان کائرہ نے کہا کہ پیپلز پارٹی نے ہمیشہ استحکا م پاکستان کیلئے جدوجہد کی حلقہ کے مسائل ہمارا امید وار حل کرائے گا اور ہم وفاق سے بھی مسائل حل کرائیں گے، ان خیالات کا اظہار انہوں نے کنٹونمنٹ بورڈ کے الیکشن میں پاکستان پیپلز پارٹی کے امیدوار وارڈ نمبر 6 محمد عدیل اعظم بٹ کے حلقہ میں ریلی نکالی گئی سے خطاب کرتے ہوئے کیا، پیپلز پارٹی پنجاب کے نائب صدرملک خالد نواز بوبی نے کہا کہ پاکستان پیپلز پارٹی صدر پاکستان آصف علی زرداری اور چیئرمیں بلاول بھٹو کی قیادت میں متحد ہے عوامی مسائل حل کرنے کیلئے دن رات کوشاں ہیں حلقہ کے مسائل کے حل کیلئے ہمار امید وار دن رات کو شاں رہے گا۔ ریلی میں پیپلز پارٹی پنجاب کے نائب صدر ملک خالد نواز بوبی،ملک عامر فدا پراچہ،نمبر دار ملک انعام، شیخ جبار، یاد میر خان،سردار اظہر،حمید درانی نے شرکت کی۔قبل ازیں مرکزی رہنما قمر زمان کائرہ کی آمد پر وارڈ 6کی گلیاں نعروں سے گونج اٹھی پارٹی کارکنوں نے نعرے بازی کی