سموگ سے بچنے کیلئے احتیاطی تدابیر اختیار کی جائیں،ماہرین

راولپنڈی(محبوب صابر /جنرل رپورٹر)طبی ماہرین کے مطابق سموگ سے بچنے کے لیے احتیاطی تدابیر اختیار کریں تاکہ متاثر ہونے سے بچ سکیں،،گھر کے اندر رہیں، ممکن ہو باہر نکلنے سے پرہیز کریں، خاص طور پر صبح اور شام کے اوقات میں جب سموگ زیادہ ہوتی ہے، گزشتہ روز نوائے وقت سے گفتگو کرتے ہوئے ڈاکٹر شہروز حسن، ڈاکٹر قاسم، ڈاکٹر سمیر احمد، ڈاکٹر اویس محمد اور ڈاکٹر مظہر علی نے کہا کہ سموگ سے بچنے کیلئے ماسک پہنیں،باہر نکلتے وقت ماسک یا سرجیکل ماسک کا استعمال کریں تاکہ آلودہ ہوا سے بچا جا سکے،کھڑکیاں اور دروازے بند رکھیں، ہوا کے ذریعے اندر آلودگی کو کم کرنے کے لیے کھڑکیاں اور دروازے بند رکھیں،پانی کا زیادہ استعمال کیا جائے،زیادہ پانی پئیں تاکہ جسم میں نمی برقرار رہے اور آلودہ ذرات کو خارج کرنے میں مدد ملے،ٹھنڈی اشیاء کے کھانے پینے سے پر ہیز کیا جائے، آنکھوں اور جلد کی حفاظت کریں آنکھوں میں خارش یا جلن ہونے پر صاف پانی سے دھوئیں اور موئسچرائزر کا استعمال کریں،بچوں اور بوڑھوں کا خاص خیال رکھیں، بچوں اور بوڑھوں کا مدافعتی نظام کمزور ہوتا ہے، اس لیے انہیں سموگ سے بچا کر رکھیں، سموگ کے دوران باہر ورزش کرنے سے پرہیز کریں اور گھر کے اندر ہلکی ورزش کریں،گاڑی کی کھڑکیاں بند رکھیں، گاڑی میں سفر کے دوران کھڑکیاں بند رکھیں اور ائیر فلٹر کا استعمال کریں،کھانے پینے میں احتیاط ضروری ہے، اگر طبیعت خراب ہوتو فوری طور پر ڈاکٹر سے رجوع کریں۔