لاہور (کامرس رپورٹر) بھارتی ہائی کمشن کی طرف سے پاکستان لائیرز ٹیم کے باقی چھ کھلاڑیوں اور کوچ کو کل (14اکتوبر بروز پیر )بھارت کے ویزے جاری کئے جانے کی یقین دہانی کے بعد پاکستان کی 11رکنی لائیرز کر کٹ ٹیم آج صبح (13اکتوبر بروز اتوار)واہگہ بارڈر کے راستے بھارت روانہ ہو رہی ہے ۔پاکستان لائرز کر کٹ ٹیم کے ترجمان اور سینئر کھلاڑی واصف زمان کے مطابق پاکستان کی 11رکنی لائیرز کر کٹ ٹیم چوتھے لائیرز کر کٹ ورلڈ کپ میں شرکت کے لئے آج صبح واہگہ بارڈر کے ذریعے لاہور سے امرتسر پہنچے گی جہاں سے ٹیم بذریعہ ہوائی جہاز نئی دہلی جائے گی ۔