ہالی وڈ کی اینی میٹڈ فلم سیریز ایلون اینڈ دی چپمنکس کی چوتھی فلم دی روڈ ٹرپ کا قہقوں بھرا نیا ٹریلر جاری کردیا گیا

ہدایتکار والٹ بیکر Walt Becker کی اس فلم کی کہانی بھی حسب روایت تین نٹ کھٹ چپمنکس ایلونAlvin، سائمنSimon اور تھیوڈو Theodo پر مبنی ہےجو اپنے نگران ڈیو Dave کے ساتھ رہتے ہیں۔فلم میں تینوں چپمنکس کو لگتا ہے کہ ڈیو انہیں دھوکا دیتے ہوئے چھوڑکر نیو یارک جارہا ہے جہاں اس کی نئی گرل فرینڈ رہائش پذیر ہوتی ہے۔ڈیو کو روکنے کیلئے ننھے چپمنکس کے پاس صرف تین روز کا وقت ہے۔فلم میں ان چپمنکس کے کرداروں کیلئے اپنی آواز کا جادو جگایا ہے میتھیو گرےMatthew Gray ، جیسی مک کارٹنی Jesse McCartney اور جسٹن لونگ Justin Long نے جبکہ جیسن لی Jason Lee اور بیلا تھرونBella Thorne نے مرکزی کردار ادا کیا ہے۔ہنسی کا طوفان لیے یہ فلم رواں برس کے آخر یعنی تئیس دسمبر کو سینماگھروں میں تہلکہ مچائے گی۔