ملتان ( سپورٹس رپورٹر)پاکستان پریمیئر فٹبال لیگ میں سوئی سدرن گیس کمپنی نے سوئی ناردرن گیس پائپ لائنز کو شکست دیدی، میچ کا واحد گول انجری ٹائم میں حبیب الرحمان نے کیا،قاسم باغ سٹیڈیم میں کھیلے جانے والے میچ میں دونوں ٹیموں نے جارحانہ آغاز کرتے ہوئے اچھی مووز بنائیں لیکن مواقع ضائع ہونے کی وجہ سے پہلے ہاف میں کوئی گول نہ ہوسکا،دوسرے ہاف میں ایس ایس جی سی نے بہترحکمت عملی کیساتھ حریف پر دباﺅ رکھا لیکن کوئی کوشش کامیاب نہ ہوسکی، بالآخر انجری ٹائم میں حبیب الرحمان نے ایک عمدہ پاس کو گول میں تبدیل کرتے ہوئے اپنی ٹیم کو فتح دلادی۔دوسرے میچ میں پی اے ایف نے کے پی ٹی کو 1-0سے زیرکیا، فورسز ٹیم نے ابتدا میں ہی تابڑ توڑ حملے کرتے ہوئے حریف ڈیفینڈرز کو پریشان کیا،کھیل کے 30ویں منٹ میں مجاہد نے گول داغ کر اپنی ٹیم کو برتری دلائی۔