چکری (نامہ نگار)چوہدری نثارعلی خان کے معاون خصوصی شیخ محمد اسلم نے مایہ ناز ایٹمی سائنسدان ڈاکٹرعبدالقدیر خان مرحوم کی پیشہ ورانہ خدمات کو خراج عقیدت پیش کرتے ہوئے کہا ہے کہ ان کی یادیں پاکستانی قوم کے دلوں میں ہمیشہ زندہ رہیں گی وطن عزیز پاکستان کا دفاع ناقابل تسخیر بنانے والے اس قومی ہیرو کو ہمیشہ خراج عقیدت پیش کیا جاتا رہے گاانھوں نے پاکستان اور اس کے مفادات کے لئے بے پناہ قربانیاں دیں اپنے مادی مفادات کے بجائے پاکستان کے لئے کام کرنا پسند کیا  وہ دشمن کے خلاف جرات بہادری اور استقامت کا پہاڑ ثابت ہوئے آج ہم امن اور چین کی نیند سورہے ہیں جبکہ ہمارے دشمنوں کو پاکستان کی طرف میلی آنکھ سے دیکھنے کی اجازت نہیں پہلی اسلامی ایٹمی طاقت ہونے کا اعزاز حاصل کرنا ان کی شبانہ روز محنت کا نتیجہ ہے وہ نہ صرف پاکستان بلکہ عالم اسلام کے بھی ہیرو تھے ہم دل کی اتھاہ گہرائیوں سے انھیں سلام پیش کرتے ہیں ۔