گوجرخان (نامہ نگار)سیاسی کارکن کی حیثیت سے مرزا عبد الرحمن کی خدمات کو مدتوں یاد رکھا جائے گا  وہ عوام دوست سیاسی کارکن تھے  جمہوریت کے لیے ان کی خدمات قابل ستائش ہیں انہوں نے ہمیشہ گوجرخان کے بنیادی حقوق کی جنگ جرات اور بہادری سے لڑی ان کا کردار ہمیشہ یاد رکھا جائے گا ان خیالات کا اظہار سابق وفاقی پارلیمانی سیکرٹری راجہ محمد جاوید اخلاص مسلم لیگ ن کے سابق ایم پی اے چوہدری افتخار احمد وارثی مسلم لیگ یوتھ ونگ ن راولپنڈی ڈویژن کے سابق صدر سید ندیم عباس بخاری سابق چیئرمین مارکیٹ کمیٹی گوجرخان حاجی جمشید علی صراف نے سرور شہید نشان حیدر ڈگری کالج گوجرخان کے ممتاز طالب علم رہنما اور پی پی پی تحصیل گوجرخان کے سابق صدرمرزاعبدالرحمن مرحوم کو زبردست خراج تحسین پیش کرتے ہوئے اپنے ایک مشترکہ بیان میں کیا۔