لاہور (نیوز رپورٹر) سیکرٹری آرکائیوز اینڈ لائیبریریز ڈیپارٹمنٹ گورنمنٹ آف پنجاب ثاقب منان نے پنجاب بھر کی پبلک لائبریریز بشمول قائداعظم لائبریری لاہور اور گورنمنٹ پنجاب پبلک لائبریری لاہور میں عشرہ رحمت اللعالمین صل اللہ علیہ وسلم منانے کیلئے ڈاکٹر عائشہ سعید ڈائریکٹر جنرل پبلک لائبریریز پنجاب/ سیکرٹری بورڈ آف گورنرز قائد اعظم لائبریری لاہور کو ہدایات جاری کر دیں۔ ڈاکٹر عائشہ سعید ڈائریکٹر جنرل پبلک لائبریریز پنجاب/ سیکرٹری بورڈ آف گورنرز قائد اعظم لائبریری لاہور نے پنجاب بھر کی پبلک لائبریریز،بشمول قائد اعظم لائبریری لاہور اور گورنمنٹ پنجاب پبلک لائبریری کے چیف لائبریرین کو عشرہ رحمت العالمین صل اللہ علیہ وسلم منانے کے لیے شیڈول کی صورت میں مراسلہ جاری کر دیا۔ پہلا پروگرام قائد اعظم لائبریری لاہور میں ایک روزہ سیرتِ النبی صلی اللہ علیہ وسلم کانفرنس مورخہ 13 اکتوبر بروز بدھ 11 بجے صبح اقبال ہال میں منعقد کی جارہی ہے۔ شیخ عبد الرحیم چیف لائبریرین قائد اعظم لائبریری نے مقررین اور سامعین کے لیے دعوت نامے ارسال کر دیئے ہیں۔