نوشہرہ ورکاں:ڈاکو صبحِ سویرے طلباء سے موٹر سائیکل چھین کر فرار، تشدد کا نشانہ بھی بنایا

نوشہرہ ورکاں (نامہ نگار+نمائندہ نوائے وقت)ڈاکو صبحِ سویرے طلباء سے گن پوائنٹ پر موٹر سائیکل چھین کر فرار‘ کلاس نہم کے طلباء حسن آصف اور منظر عرفان ودھاون گاؤں سے سکول جارہے تھے ڈاکوؤں نے طلباء کو تشدد کا نشانہ بھی بنایاتفصیلات کے مطابق معروف ٹیچر سر محمد آصف ہنجرا اور عرفان ہنجرا کے بیٹے جو نہم کلاس میں پڑھتے ہیں سکول جانے کے لیے اپنے گاؤں ودھاون سے نوشہرہ ورکاں آ رہے تھے کہ کڑیال روڈ پر تین ڈاکوؤں نے انہیں روک کر تشدد کیا اور موٹر سائیکل چھین کر فرار ہوگئے بچوں کے شور مچانے پر لوگ اکٹھے ہوگئے اور 15پر متعدد بار  کال کی گئی پولیس  حسب روایت ایک گھنٹہ بعد جائے وقوعہ پر پہنچی۔