کراچی؍ وادی نیلم (نوائے وقت رپورٹ+ آئی این پی) نوری آباد کراچی مسافر کوچ میں آگ بھڑک اٹھی، ڈی ایس پی نوری آباد کے مطابق 8 سے 10 افراد جاں بحق ہوئے۔ موٹر وے پولیس کے مطابق مسافر کوچ کے ائر کنڈیشنڈ یونٹ میں آگ بھڑک اٹھی تھی۔ دوسری طرف  آزاد کشمیر وادی نیلم جاگراں ویلی میں جاگراں سے کنڈل شاہی جانے والی پوٹھوار جیپ شم کولی کے مقام سے پھسلن کے باعث دو ہزار فٹ کی بلندی سے گہری کھائی میں جا گری۔ حادثے میں ایک ہی خاندان کے چھ افراد جاں بحق ہو گئے ہیں۔ مرنے والوں میں دو بچے اور ایک خاتون بھی شامل ہے۔ ڈیزاسٹر مینجمنٹ اتھارٹی کے مطابق دو زخمیوں کو ڈی ایچ کیو ہسپتال آٹھ مقام منتقل کیا گیا ہے۔ وزیراعظم آزاد  کشمیر سردار تنویر الیاس خان  نے جیپ حادثہ پر دکھ اور افسوس کا اظہارکیا ہے۔