ظفروال: قبر سے 60 سالہ خاتون کی نعش نکال کر کفن چوری

ظفروال (نامہ نگار) ظفروال کے نواحی گائوں موضع چک میردا میں افسوسناک واقعہ رونما ہوا۔ چند روز پہلے وفات پانے والی 60 سالہ خاتون کو جمعہ کے روز دفن کیا گیا۔ نامعلوم افراد نے متوفیہ کی قبر کھودکر کفن اتار لیا اور نعش کو قبر کے باہر ہی چھوڑ کر فرار ہو گئے۔ تھانہ ظفروال کا عملہ موقع پر پہنچ گیا اور فرانزک ٹیم کو نمونے حاصل کرنے کیلئے بلایا گیا۔ واقعہ پر اہل علاقہ سراپا احتجاج بن گئے۔