لاہور(سپورٹس رپورٹر) انٹرنیشنل کرکٹ کونسل ٹی20 رینکنگ میں محمد رضوان کی پہلی پوزیشن برقرار ہے۔آئی سی سی کی نئی جاری کردہ رینکنگ کے مطابق ٹی20 رینکنگ میں محمد رضوان پہلی پوزیشن پر قابض ہیں جبکہ بھارت کے سوریا کمار یادیو دوسری اور کپتان بابراعظم تیسرے نمبر پر براجمان ہیں۔آئی سی سی ٹی20 بائولرز اور آل راؤنڈرز میں کوئی پاکستانی کھلاڑی شامل نہیں البتہ شاداب خان 14 ویں نمبر پر موجود ہیں۔رینکنگ میں محمد رضوان کے ریٹنگ پوائنٹس کی تعداد 853، سوریا کمار 838، بابراعظم 808، ایڈن مارکرم 777، ڈیون کانوے 760 پوائنٹس کے ہمراہ پانچویں پوزیشن پر موجود ہیں۔بائولرز رینکنگ میں آسٹریلیا کا جوش ہیزل ووڈ کا پہلا نمبر برقرارجبکہ راشد خان دوسرے، ہسرنگا تیسرے، شمس تبریزی چوتھے اور مہیش ٹھیکشنا پانچویں پوزیشن پر قابض ہیں۔