پیپلزپارٹی کی ووٹر لسٹوں کی مکمل جانچ پڑتال اور نئے ووٹ اندراج کیلئے پارٹی تنظیموں کو متحرک ہونے کی ہدایت

اسلام آباد (نمائندہ خصوصی)پاکستان پیپلز پارٹی نے الیکشن کمیشن کی طرف سے جاری کردہ ووٹر لسٹوں کی مکمل جانچ پڑتال اور نئے ووٹ اندراج کے لئے پارٹی تنظیموں کو متحرک ہونے کی ہدایت کی ہے سیکرٹری جنرل پیپلز پارٹی سید نیر حسین بخاری نے تمام صوبائی صدور کو ہدایت دی ہے کہ  الیکشن کمیشن کی جاری  کردہ  انتخابی فہرستوں اور نظر ثانی لسٹوں کا معائنہ کرنے کے لئے ضلحی صدور کو متحرک کیا جائے پارٹی عہدیداران  نئی ووٹرز لسٹوں میں نئے ووٹ  اندراج کو یقینی بنانے میں کردار ادا کریں نیر بخاری نے کہا ہے کہ  ضلحی صدور الیکشن کمیشن دفاتر میں جاکر  جاری  کردہ انتخابی فہرستوں کی جانچ پڑتال کریں  ووٹرز لسٹوں میں درستگی اور نئے اندراج کو یقینی بنایا جائے۔