لاہور ( این این آئی)شفیق آباد کے علاقے میں بھائی نے بینائی سے محروم بھائی کو قتل کردیا ۔ پولیس کے مطابق جوئے میں پیسے ہارنے پر ملزم عبدالغفار نے اپنے بڑے بھائی سے چار لاکھ روپے مانگے ۔ پیسے نہ دینے پر ملزم نے بڑے بھائی سعید خان کو فائرنگ کر کے قتل کردیا ۔ مقتول محکمہ اوقاف میں ملازم تھا ۔ پولیس نے ملزم عبدالغفار کے خلاف مقدمہ درج کر لیا۔ پولیس کا کہنا ہے کہ ملزم نے عبوری ضمانت کروا رکھی ہے، تاحال شامل تفتیش نہیں ہوا۔