لاہور ( این این آئی) اینٹی نارکوٹکس فورس کی جانب سے 5مختلف کارروائیوں میں3.445کلو گرام منشیات برآمد  کر کے خاتون سمیت 5ملزمان گرفتار کر لیے گئے ۔ترجمان اے این ایف کے مطابق یہ کارروائیاں اسلام آباد ، کوہاٹ، ملتان ، ڈی جی خان میں کی گئیں، کارروائی کے دوران 1کلو ہیروئن ،750گرام چرس برآمد ہوئی ۔ترجمان کاکہنا ہے کہ کارروائی میں ایک کلو 695گرام آئس برآمد کی گئی ، گرفتار ملزمان کی جانب سے تعلیمی اداروں کے طلبا کو منشیات فروخت کرنے کابھی اعتراف کیا گیا ہے۔ترجمان کے مطابق گرفتار ملزمان کیخلاف انسداد منشیات ایکٹ کے تحت مقدمات درج کرلیے گئے ہیں۔