قومی ویمنز فٹبال ٹیم ساف ویمنز چیمپئن شپ کیلئے نیپال چلی گئی

لاہور(سپورٹس رپورٹر)پاکستان ویمنز فٹبال ٹیم آخری لمحات میں پی ایس بی کی جانب سے این او سی کے اجرا کے بعد ساف ویمنزچیمپئن شپ میں شرکت کیلئے دبئی کے راستے نیپال چلی گئی۔ چیمپئن شپ 17 سے 30 اکتوبر تک کھٹمنڈو میں کھیلی جائیگی، گروپ اے میں شامل قومی ویمن ٹیم پہلا میچ17 اکتوبر کو بھارت  جبکہ 20 اکتوبر کو دوسرے میچ میںمقابلہ بنگلہ دیش سے ہوگی۔20 رکنی قومی سکواڈ میں نشا اشرف، مافیا پروین اور رومیسا خان(گول کیپرز)، کائلہ صدیقی، مشال بھٹی، سارہ خان، نزالیہ صدیقی، صوفیہ قریشی، فاطمہ ناصر اور مہرین خان (ڈیفینڈرز)،سوہا ہیرانی، ماریہ خان، ثناء مہدی، آمنہ حنیف، رامین فرید اور کائنات بخاری( مڈ فیلڈرز) ،نادیہ خان، ظہمینہ ملک، اسرا خان، انمول حرا، انوشے عثمان اور عالیہ صادق( فارورڈز) شامل ہیں۔