بھارت میں خوفناک ٹرین حادثہ، کئی بوگیاں الٹ گئیں،19 مسافرزخمی

     چنئی (آئی این پی ) بھارتی کے شہر چنئی میں جمعے کی رات ایک مسافر ٹرین کھڑی مال بردار ٹرین سے ٹکرا گئی۔ اس حادثے میں مسافر ٹرین کی 13 بوگیاں پٹری سے اتر گئیں جبکہ  19 افراد  زخمی ہوگئے ۔غیرملکی خبررساںادارے کے مطابق حادثے کے بعد  ٹرین کے  ایک ڈبے میں بھی آگ لگ گئی۔ مسافر ٹرین میسور سے دربھنگہ کی طرف جارہی تھی۔ اس واقعے پر تمل ناڈو کے وزیر اعلی ایم کے سٹالن نے ایک ٹویٹ میں لکھا، حکومت امدادی کام تیزی سے کام کر رہی ہے۔رپورٹ کے مطابق زخمیوں کو فوری طور پر ہسپتال منتقل کیا گیا۔ گھر واپس آنے والے دیگر مسافروں کے لیے کھانے اور سفری سہولیات کا بندوبست کرنے کے لیے ایک الگ ٹیم کام کر رہی ہے۔ میں امدادی کارروائیوں کی نگرانی کر رہا ہوں۔ایک مسافر نے بتایا کہ ہم ٹرین میں تھے کہ اچانک آواز آئی جب ہم نے ٹرین سے باہر دیکھا تو بوگیاں الٹ گئیں۔ باہر نکل کر دیکھا کہ کمپارٹمنٹ میں بھی آگ لگی ہوئی تھی۔حادثے کے بعد ٹرین کے روٹ کو بحال کرنے کا کام بھی کیا جا رہا ہے۔