شکارپور (نوائے وقت رپورٹ)  شکارپور پولیس نے ڈاکوؤں سے مقابلے کے بعد سکھر کے رہائشی ایک ہی خاندان کے 9 مغویوں کو بازیاب کرالیا۔ ڈاکو مغویوں کو دوسرے مقام پر منتقل کررہے تھے پولیس پہنچ گئی۔اس کے بعد پولیس اور ڈاکوؤں میں فائرنگ کا تبادلہ ہوا، مقابلے کے دوران ڈاکو تمام مغویوں کو چھوڑ کر فرار ہوگئے۔ڈاکوؤں نے 15 روز قبل سکھر کے ایک ہی خاندان کے 2 مرد، دو خواتین اور 5 بچوں سمیت 9 افراد کو رشتے کا جھانسہ دے کر اغوا کیا تھا۔