لاہور (سپورٹس رپورٹر) پاکستان جونیئر ہاکی ٹیم کے ہیڈ کوچ کا اعلان پیر کو ہوگا جس کے لئے پاکستان ہاکی فیڈریشن کے نئے سیکرٹری رانا مجاہد نے مشاورت کا عمل شروع کر دیا ہے۔ ذرائع کے مطابق تیسرے سلطان جوہر ہاکی ٹورنامنٹ کے لئے انجم سعید کو ٹیم کی ذمہ داریاں سونپے جانے کے ساتھ پاکستان ہاکی فیڈریشن کے کنسلٹنٹ طاہر زمان کی عارضی طور پر جونیئر ٹیم کے ساتھ خدمات حاصل کرنے پر غور کیا جا رہا ہے۔ تاہم جونیئر ورلڈکپ تک مستقل کوچنگ کی ذمہ داری پاکستان ہاکی فیڈریشن سے ناراض اولمپئن میں سے کسی کو سونپے جانے پر بھی غور ہو رہا ہے۔ ناراض اولمپئن کے نہ ماننے کی صورت میں طاہر زمان، انجم سعید، محمد عثمان، شفقت ملک کے ناموں پر غور کیا جائے گا۔