باسط علی کو لمبے عرصے تک پاکستان اے ٹیم کا کوچ مقرر کیا جائے : اشرف علی

لاہور( نمائندہ سپورٹس) باسط علی ایک سمجھدار،مخلص، کھیل اور نوجوان کھلاڑیوں کو سمجھنے والے کرکٹر ہیں انہیں لمبے عرصے کے لیے پاکستان اے ٹیم کا کوچ مقرر کرنا چاہیے۔ پاکستان کرکٹ بورڈ انڈر نائینٹین اور پاکستان اے ٹیم کی سطح پر بھی کوچز کی تقرری میں مستقل مزاجی کا مظاہرہ کرے ہر دوسرے ٹور پر کوچنگ سٹاف کی تبدیلی سے کھلاڑیوں پر اچھا اثر نہیں پڑتا۔ ان خیالات کا اظہار سابق ٹیسٹ کرکٹر اشرف علی نے نوائے وقت کے ساتھ گفتگو کرتے ہوئے کیا انہوں نے کہا کہ پاکستان اے اور انڈر 19 کی سطح پر کوچنگ سٹاف میں مسلسل تبدیلیاں نقصان دہ ثابت ہوتی ہیں اس سطح پر کھلاڑی کو قومی ٹیم سے زیادہ توجہ،تربیت اور رہنمائی کی ضرورت ہوتی ہے۔