کراچی (صباح نیوز) کراچی میں غیر ملکی گینگ سے برآمد ہونیوالے نایاب نسل کے 780 کچھوؤں کو دریائے سندھ سے متصل کلر جھیل میں چھوڑ دیا گیا۔ بلیک پونڈ کچھوؤں کو سندھ کے مختلف علاقوں سے غیر قانونی طور پر پکڑا گیا تھا جنہیں ڈبلیو ڈبلیو ایف اور محکمہ والڈ لائف سندھ نے کراچی میں کارروائی کرکے برآمد کرلیا تھا۔ انٹرنیشنل مارکیٹ میں برآمد ہونیوالے تمام دریائی خاکروب کی مالیت آٹھ کروڑ روپے سے زائد ہیں جنہیں عدالتی حکم پر قدرتی ماحول میں چھوڑا گیا تاکہ بڑھتی ہوئی دریائی آلودگی کو روکا جاسکے۔