گوجرانوالہ، ساہیوال، قصور، شیخوپورہ : 2 خواتین سمیت 5 افراد کی خودکشی

گوجرانوالہ، ساہیوال، قصور، شیخوپورہ (نمائندہ خصوصی+ نمائندگان) گھریلو حالات سے دلبرداشتہ دو خواتین سمیت 5افراد نے خودکشی کرلی۔ گوجرانوالہ میں ڈسکہ کی رہائشی (ز) نے مبینہ طور پر گھریلو پریشانیوں سے تنگ آکر زہریلی گولیاں نگل لیں۔ اسے ہسپتال منتقل کیا گیا مگر وہ جانبر نہ ہوسکی۔ ساہیوال میں 30 سالہ سکینہ نے گھریلو جھگڑے پر زہر پی لیا۔ چیچہ وطنی میں مہمان آئے 30سالہ عبدالخالق نے والد سے جھگڑے پر گندم میں رکھنے والی گو لیاں کھا لیں۔ قصورکے نواحی علاقہ ہنجر وال میں گھریلو جھگڑے سے دلبرداشتہ 35سالہ صفدر شخص نے زہر نگل کر خودکشی کر لی ۔صفدر کا اکثر اپنی بیوی اور گھر والوں سے لڑائی رہتی تھی۔ شیخوپورہ کی آبادی بھیانوالہ میں 18 سالہ عاصم نے حالات سے دلبرداشتہ ہو کر پھندا لیکر زندگی ختم کرلی۔