بنوں: دہشت گردی کا منصوبہ ناکام‘ پل کے ساتھ نصب 7بم ناکارہ بنا دیئے گئے

بنوں( صباح نیوز) بنوں پولیس نے تباہی کا منصوبہ ناکام بنا دیا۔ پل کے ساتھ دہشت گردی کیلئے نصب 7 دستی بم برآمد کرکے ناکارہ بنادیئے گئے۔ تھانہ منڈان کی حدود میں واقع پل کے ساتھ نامعلوم شرپسندوں نے دستی بم نصب کررکھے تھے جس پر مقامی لوگوں کی نظر پڑی جنہوں نے فوری طور پر مقامی پولیس کو اطلاع دی ‘منڈان پولیس بم ڈسپوزل سکواڈ کے ہمراہ موقع پر پہنچی جنہوں نے پل کے ساتھ نصب 7 دستی بم برآمد کرکے ناکارہ بنادیئے اورعلاقے کو بڑی تباہی سے بچا لیا منڈان پولیس نے نامعلوم شرپسندوں کے خلاف مقدمہ درج کرکے تفتیش شروع کردی ۔