باغبانپورہ :سٹرک عبورکرتا40سالہ شخص کار کی زد میں آکرجاں بحق

لاہور(نمائندہ خصوصی)باغبانپورہ کے علاقے میں 40 سالہ سلیم ٹریفک حادثے میں جاں بحق ہو گیا۔بتایاگیاہے کہ رنگ روڈ پر سڑک عبور کرتے ہوئے 40 سالہ سلیم تیز رفتار کار کی زد میں آکر موقع پر جاں بحق ہو گیا جبکہ نامعلوم کار سوار موقع سے فرار ہو گیا پولیس کے مطابق متوفی ملتان کا رہائشی تھا اور کام کے سلسلے میں لاہور آیا ہوا تھا ۔پولیس نے کار سوار کو ٹریس کرنے کے لئے سیف سٹی کی مدد حاصل کر لی ہے جبکہ متوفی کے ورثا کو اطلاع کر دی ہے۔