سعودی شہزادی دلال بنت سعود بن عبدالعزیز انتقال کر گئیں ، نماز جنازہ آج ادا کی جائے گی

ریاض(آئی این پی ) سعودی شہزادی دلال بنت سعود بن عبدالعزیز کا رضائے الٰہی سے انتقال ہوگیا ۔ نماز جنازہ (آج)پیر کو بعد نماز عصر ریاض کی جامع مسجد ترکی بن عبداللہ میں ادا کی جائے گی ۔ عرب میڈیا  کے مطابق سعودی شاہی خاندان سے تعلق رکھنے والی شہزادی دلال بنت سعود بن عبدالعزیز آل سعود دارالحکومت ریاض میں انتقال کرگئی ہیں۔ ایوان شاہی کی جانب سے جاری بیان میں مزید کہا ہے کہ نماز جنازہ (آج)پیر کو بعد نماز عصر ریاض کی جامع مسجد ترکی بن عبداللہ میں ادا کی جائے گی۔ شاہی خاندان نے گہرے دکھ کا اظہار کرتے ہوئے متوفیہ کی بلندی درجات اور جنت میں اعلی مقام کی دعا کی۔