بیرون ملک جانے والے مسافروں کیلئے خوشخبری،کورونا ٹیسٹ  فیس میں کمی

کراچی(وقائع نگار)شہرقائد میں قائم جناح انٹرنیشنل ایئرپورٹ سے متحدہ عرب امارات (یو اے ای) جانے والے مسافروں کے لیے ‘ریپڈ پی سی آر ٹیسٹ’ کی فیسوں میں کمی کردی گئی تفصیلات کے مطابق جناح انٹرنیشنل ایئرپورٹ کراچی سے دبئی، شارجہ اور ابوظہبی جانے والے مسافروں کے ریپڈ پی سی آر ٹیسٹ کی فیسوں میں کمی کی گئی ہے، مذکورہ ٹیسٹ کی فیس اب صرف 5 ہزار روپے ہوگی تمام ایئرلائنوں کے ریپڈپی سی آرٹیسٹ کے چارجز 5ہزار روپے مختص کردیے گئے،متحدہ عرب امارات جانے والے تمام مسافر5ہزار روپے میں اپنا ٹیسٹ کرواسکیں گے۔ ایئرپورٹ پر موجود تمام لیبارٹریوں کو اس ضمن میں مطلع کردیا گیا ہے واضح رہے کہ اس سے قبل پشاور، فیصل آباد ملتان لاہور ائیرپورٹ پر بھی رپیڈ پی سی آر ٹیسٹ کی فیسوں میں کمی کی گئی ہے جس سے مسافر بھرپور فائدہ اٹھا رہے ہیں۔