کراچی میںایکسٹراسیٹر رکشہ ڈرائیوروں کیخلاف گھیراتنگ ،ٹھیلے ،پتھارے مسمار

کراچی (وقائع نگار)ڈی آئی جی ٹریفک اقبال دارکی خصوصی احکامات پر سید صغیر حسین  ایس ایس پی ٹریفک سینٹرل کی زیر نگرانی ٹریفک سینٹرل میں سی این جی ایکسٹرا سیٹر رکشوں کے خلاف بھرپور کارروائی کیں جبکہ زیر دفعہ 341 کے تحت جمشید کوارٹرپولیس اسٹیشن میںایک ایف آئی آربھی درج کروائی،ایس ایس پی ٹریفک سینٹرل نے مختلف ٹریفک سیکشن پرقبضے میں لیے گئے سی این جی رکشوں کو چیک کیا،گلشن اقبال ٹریفک سیکشن دورے  پر ڈی ایس پی ٹریفک گلشن افضل نور،ڈی ایس پی ٹریفک نارتھ ندیم فاروقی اور ایس اوگلشن بچل شاہ بھی موجود تھے جبکہ مختلف کارروائیوں کے دوران ٹریفک سینٹرل میں 103سی این جی رکشوں کے چالان اور 51500 روپے جرمانہ وصول کیاکرکے پکڑے گئے رکشے تحویل میں کرلیے جبکہ ایک اورکاررروائی کے دوران اینٹی انکروچمنٹ سیل نے سب ڈویژن گلشن کی ٹریفک سیکشن گلشن کے علاقوں نیپا اور گلشن چورنگی چورنگی کے اطراف کاروائیاں کرکے ٹھیلے ،پتھاروں اور غیر قانونی پارکنگ ختم کرکے علاقے کو کلیئر کرایاکارروائی میں ڈی ایس پی گلشن افضل نور خان ، ایس او گلشن بچل شاہ اور ٹریفک سینٹرل کی اینٹی انکروچمنٹ اسکواڈ نے حصہ لیا۔