تربیلا (نامہ نگار) ورلڈ بینک کے مشن کا دورہ تربیلا ڈیم، تربیلاڈیم کے پانچواں توسیعی منصوبہ کی سائیٹ کا دورہ کیا۔ تربیلاڈیم کے چوتھے اور پانچواں توسیعی منصوبہ کے حوالے سے بریفنگ دی گئی۔ پانچواں توسیعی منصوبہ کے کام کے حوالے سے ہونے والی پیش رفت سے مشن کو آگاہ کیا گیا۔تفصیلات کے مطابق عالمی بینک کے کنٹری ڈاریکٹر مسٹر نیجے بنہسائن کی سربراہی میں پانچ رکنی عالمی بینک کے وفد نے تربیلاڈیم کا دورہ کیا۔ جنرل منیجر تربیلا پاور ہاوس آصف جان، چوتھے توسیعی منصوبہ کے چیف انجینر ، ٹی 5 کے ڈاریکٹر سول فیصل حیات ، ایگزیکٹو انجینر ٹی 5 ابوالکلام نے تربیلاڈیم آمد پر مشن کے وفد کا استقبال کیا۔ عالمی بینک کے مشن نے  تربیلاڈیم کے پانچواں توسیعی منصوبہ کی سائیٹ کا معائنہ کیا۔  پانچواں توسیعی منصوبہ کے ڈاریکٹر سول فیصل حیات  نے عالمی بینک کے مشن کو پانچواں توسیعی  منصوبہ کی تعمیر کے حوالے سے بریفنگ دی۔اور اب تک ہونے والی پیش رفت سے آگاہ کیا۔ بعد ازاں عالمی بینک کے مشن نے تربیلاڈیم بجلی گھر اور چوتھے توسیعی منصوبہ کا دورہ کیا ۔ تربیلا بجلی گھر کے اعلی احکام نے بجلی کی موجود پیداواری صورتحال سے آگاہ کیا ہے۔