پی ٹی آئی نے انتخابات شفاف کرانے کا تہیہ کررکھا ہے: سعدیہ سہیل،شکیلہ سلیم

گوجرانوالہ (نمائندہ خصوصی)تحریک انصاف کی ایم پی اے سعدیہ سہیل اور سٹی صدر خواتین ونگ شکیلہ سلیم رانا نے کنٹونمنٹ بورڈ الیکشن کے روزمختلف پولنگ بوتھ کا دورہ کیا۔ ایڈیشل جنرل سیکرٹری سٹی خواتین ونگ سونیاء چوہدری ، نائب صدر عائشہ بیگ ، نائب صدر تمکین نقوی، فنانس سیکرٹری نصرین کوثرا ن کے ہمراہ تھیں ایم پی اے سعدیہ سہیل اور سٹی صدر شکیلہ سلیم رانا نے صحافیوں سے گفتگو کرتے ہوئے کہا کہ پی ٹی آئی نے آئندہ انتخابات کو صاف اور شفاف کرانے کا تہیہ کررکھا ہے، الیکٹرانک ووٹنگ سسٹم اور انتخابی اصلاحات میں کرپٹ اپوزیشن روڑے اٹکا رہی ہے، کرپٹ اپوزیشن دھاندلی کی پیدوار ہے،کنٹونمنٹ بورڈ کے انتخابات میں پی ٹی آئی بھاری اکثریت سے کامیابی حاصل کریگی، عوام تحریک انصاف کے ساتھ ہیں، کرپٹ اپوزیشن کو اپنی چوری بچانے کی فکر پڑی ہوئی ہے، کرپٹ اپوزیشن کو پاکستانی قوم معاف نہیں کرے گی انہوں نے کہا کہ اپنی شکست پر ماتم کرنے والی ن لیگ کی قسمت میں رونا دھونا لکھا جا چکا ۔