کوئٹہ (اے پی پی)  محتسب اعلیٰ بلوچستان نذر بلوچ نے کہا ہے کہ صوبے کے دور دراز علاقوں کے عوام کو سرکاری ہسپتالوں میں علاج و معالجہ کی بہترین فراہم کرنا ہم سب کے اولین فرائض میں شامل ہے لہذ ا سرکاری ہسپتالوں میں موجود ڈاکٹرز اور پیرا میڈیکل اسٹاف دیانتداری سے لوگوں کو فوری علاج کی سہولیات فراہم کرنے کی بھرپور کوششیں جاری رکھیں  ۔ ان خیالات کا اظہار انہوں نے گزشتہ روز ڈسٹرکٹ ہسپتال اوتھل لسبیلہ کے دورے موقع پر ہسپتال انتظامیہ و دیگر لوگوں سے بات چیت کرتے ہوئے کیا۔ اس موقع پر ان کے ہمراہ ڈپٹی کمشنر لسبیلہ اور ٹاسک فورس کے آفیسران و دیگر موجود تھے، میڈیکل سپرٹینڈ نٹ  نے صوبائی محتسب کو ہسپتال کے مختلف شعبوں کی کارکردگی اور طریقہ علاج و معالجہ کے بارے میں تفصیلات سے آگاہ کیا۔جبکہ صوبائی محتسب نے معائنہ کے دوران مریضوں کی عیادت کی اور علاج و معالجہ کے حوالے سے دی جانے والے سہولیات اور درپیش مسائل کے بارے میں بھی انہیں آگاہ کیا گیا۔