دھنیاکی بہترپیداوار کیلئے فصل کی آبپاشی میں خصوصی احتیاط برتنے کی ہدایت

ترجمان محکمہ زراعت نے دھنیا کی بہترپیداوار کیلئے فصل کی آبپاشی میں خصوصی احتیاط برتنے کی ہدایت کی ہے۔ انہوں نے دوران ملاقات''اے پی پی''کوبتایا کہ کاشتکارآبپاشی کے سلسلے میں اس امرکا خیال رکھیں کہ کھیلیاں پانی میں ہرگز نہ ڈوبنے پائیں کیونکہ اس سے دنیا کی پیداواربری طرح متاثر ہوسکتی ہے ۔انہوں نے بتایا کہ اگر فصل کی بیجائی و ترکی میں کی گئی ہو تو فصل اگنے کے بعد 15سے 20روزتک پانی نہ دیاجائے اور جب پودے چار سے پانچ انچ بڑے ہوجائیں تو ان کی چھدرائی کردی جائے فاصلہ 9سے 12انچ تک رکھنے سے پودے اچھی طرح نشوونما پاسکتے ہیں'2سے 3مرتبہ گوڈی کرکے جڑی بوٹیوں کی تلفی سے پودے موثر اندازمیں زمین سے اپنی غذاحاصل کرکے بہتر پرورش پاسکتے ہیں'دھنیاکی کٹائی کے بعد زمین کی زرخیزی کو مدنظررکھتے ہوئے نائٹروجنی کھا ڈالنے کی ضرورت بھی ہے جو فصل کی بڑھوتری تیزکرنے میں معاون ثابت ہوتی ہے۔