یورپین شوٹنگ چیمپئن شپ: پاکستان نے لانگ رینج میںسلور میڈل جیت لیا

لاہور(سپورٹس رپورٹر) پاکستان کے لانگ رینج شوٹر محسن نواز نے برطانیہ میں ہونے والی یورپین چیمپئن شپ میں چاندی کا تمغہ جیت لیا۔800 یارڈ کے مقابلے میں محسن نواز نے 75 اعشاریہ ایک تین پوائنٹ حاصل کیے، محسن نواز بسلے نیشنل ریکارڈ بھی برابر کرنے میں کامیاب رہے، محسن نواز انفرادی طور پر چیمپئن شپ میں پاکستان کی نمائندگی کر رہے تھے۔خیال رہے ایونٹ میں 16 ممالک کے 300 سے زائد شوٹرز نے شرکت کی، محسن نواز پہلے بھی بین الاقوامی ایونٹس میں پاکستان کیلئے میڈلز جیت چکے ہیں۔