قیدیوں کے تبادلے کے لیے یوکرائنی روسی فوجیوں کی نعشیں اکٹھی کرنے لگا

ماسکو(این این آئی)روس اور یوکرائن کے درمیان جیسے جیسے جنگ کی رفتار بڑھ رہی ہے اس کے ساتھ دونوں طرف سے ہلاکتوں میں بھی اضافہ ہو رہا ہے۔ میڈیارپورٹس کے مطابق یوکرائن کے بہت سے فوجی اسرائیلی فوجیوں کے ہاتھوں مارے گئے یا گرفتار ہوئے ہیں۔ یوکرائن اپنے فوجیوں کی زندہ یا مردہ واپسی کے لیے لڑائی میں مارے جانے والے روسی فوجیوں کی لاشیں جمع کر رہا ہے۔یوکرین کے فوجی ایک ویران علاقے کی سڑک پر نعشیں تلاش کرتے ہیں ۔ انہوں نے اس سڑک کو روسی فوجیوں کی لاشوں کے لیے ڈیتھ روڈ کا نام دے رکھا ہے۔ وہاں پر روسی فوجیوں کی نعشوں کو تلاش کرتے دیکھے جا سکتے ہیں۔ یوکرینی فوجی امید کرتے ہیں کہ وہ روسی فوجیوں کی نعشیں دے کر اپنے زندہ ساتھیوں کی واپسی یا میتوں کی واگزاری کرا سکتے ہیں۔