ایشین کرکٹ کونسل کا ویمنز انڈر 19 ٹی 20 ایشیا کپ کروانے کا فیصلہ

لاہور(سپورٹس رپورٹر) ایشین کرکٹ کونسل نے ویمنز انڈر 19 ٹی 20 ایشیا کپ کروانے کا فیصلہ کر لیا۔مستقبل کے ستاروں کیلئے ایونٹ کرانے کا فیصلہ کوالالمپور میں صدر جے شاہ کی زیر صدارت اے سی سی ایگزیکٹو بورڈ کے اجلاس میں ہوا۔ایشین کرکٹ کونسل اجلاس کا اعلامیہ جاری کردیا گیا جس میں بتایا گیا کہ ویمنز انڈر 19 ٹی 20 ایشیا کپ ہر دو برس کے بعد ہو گا۔گا، ویمنز انڈر 19 ٹی 20 ایشیا کپ آئی سی سی ویمنز انڈر 19 ورلڈ کپ سے پہلے ہوا کریگا۔ انڈر 19 ایشیا کپ سے ایشیا کی خواتین کرکٹرز کو انٹرنیشنل ایکسپوژر ملے گا۔