چیمپئنز ون ڈے کپ‘ مارخورز نے پینتھرز کو 160 رنز سے شکست دیدی

لاہور(سپورٹس رپورٹر)چیمپئنز ون ڈے کپ ٹورنامنٹ  کے افتتاحی میچ میں مارخورز نے پینتھرز کو 160 رنز سے ہرا دیا۔فیصل آباد میں کھیلے گئے میچ میں پینتھرز نے ٹاس جیت کر فیلڈنگ کا فیصلہ کیا۔مارخورز نے 6 وکٹوں پر347 رنز بنائے۔کامران غلام نے 102 گیندوں پر 115 رنزبنائے ۔کپتان محمد رضوان  45 پر آؤٹ  ہوئے۔ عبدالصمد نے 25 گیندوں پر 62 جبکہ افتخار احمد نے 57 رنز کی ناقابل شکست اننگز کھیلی۔ پینتھرز کے 52 رنز پر 6 کھلاڑی پویلین لوٹ گئے تھے۔ ٹیم 35ویں اوور میں 187 رنز بناکر آؤٹ ہوگئی ۔ عماد بٹ 77  رنز بناسکے۔ نسیم شاہ اور عاکف جاوید نے 3،3 کھلاڑیوں کو آؤٹ کیا ۔ کامران غلام کو میچ کا بہترین کھلاڑی قرار دیا گیا۔